VEF Blog

Izay feon-kira izay feon-kirantsika

Henoy tsaronao ve izay ilay mozika

Natao fidirana taorian'ny litorzia

Ianao nitendry ilay harmonia.

Izay feon-kira izay tsaroako tsara

Izahay sy neny koa niditra tara

Tery aloha tery, vao nisy hitoeranay

Fa voka-dehibe tamin'izay.

Andro Paka moa io andro io

Hipoka avokoa ny dabilio

Vao niditra izahay dia hitako ianao

Nitendry ilay harmonia.

Nitodika ianao nijery ahy

Toa te-hitsiky angaha nefa tsy sahy

Izaho sadaikatra, namindra saikatra

Saiky tsy afa-nandeha raikitra.

Niondrika aho satria menatra mafy

Hilefa ho aiza moa voatery nihafy

Ny doboky ny fo injao fa mafy ery

Toa hoe hihoatra ilay harmonia.

Tsy dia fantatro izay lohateny

Ny hany tsaroako dia ny feony

Fa ho ahy mantsy izy izay

Lay feona harmonia

Feon-kira milaza fitia

Fa ho ahy mantsy izy izay

Lay feona harmonia

Feon-kira milaza fitia.

BESSA SY LOLA