BAKOBAKOROA
Jereo kely ange ireto voromailala
Ireo modely koa tokony ho tahafin'ny mana-malala
Ny azy ireny dia hajainy tokoa ny fitia
Azo toky, fady izay mba hania
Fa mandra-maty tsy mety lefy ilay fitia mitafotafo
Ka isan'andro indreo miaina an-drotsirotsy sy safosafo
Tsy omby in-jato f'isan'ora ny feony no re
Re tsy miato mamerimberina hoe:
Bakobakoroa, ry tokan'ny fo
Ry mamiko indrindra
Tsy haiko hovana na hafindra
Anao rahavako
Itony ny fitiavako
Ny fo sy ny saiko, ny tenako
Anao ka hanjakao
Bakobakoroa, ry tiana tokoa
Ny hiova fitia
Amintsika dia atao sanatria
Raha mbola mitempo ny fo
Na inona loza manjo
Ny tiana tsy roa
Bakobakoroa
BARIJAONA